पुरुषोत्तमशास्त्री फडकेंना श्रद्धांजलीसाठी सभा

रत्नागिरी - रत्नागिरीतील संस्कृतचे गाढे अभ्यासक पुरुषोत्तम नारायण तथा अप्पाशास्त्री फडके यांना श्रद्धांजली वाहण्यासाठी संस्कृत पाठशाळेनं मंगळवारी (१२ मे २०१५) सभेचं आयोजन केलं आहे. ही श्रद्धांजली सभा रत्नागिरीत संस्कृत पाठशाळेत सायंकाळी साडेसहा वाजता होणार आहे. या सभेला रत्नागिरीतील नागरिक, तसंच संस्कृतप्रेमींनी उपस्थित राहावं, असं आवाहन करण्यात आलं आहे. वयाच्या शताब्दीपूर्तीला अवघा आठवडा राहिला असताना, गेल्या २४ एप्रिल रोजी पुरुषोत्तमशास्त्रींचं रत्नागिरीत निधन झालं होतं.