Monday 3 June 2019

स्वरसिंधुरत्न अभंग, भक्तिगीत गायन स्पर्धेत तेजल गावडे, समृद्धी सावंत, धामापूरकर प्रथम

       
सावंतवाडी : स्वरसिंधुरत्न अभंग, भक्तिगीत गायन स्पर्धेतील
सावंतवाडी केंद्रातील विजेत्यांसह परीक्षक
प्रदीप धोंड, बाळ आंबर्डेकर, प्रशांत धोंड, सतीश पाटणकर, अशोक प्रभू
सावंतवाडी : श्री शंकरा दादर (मुंबई) आणि वालावलच्या श्री लक्ष्मीनारायण भक्तांनी आयोजित केलेल्या स्वरसिंधुरत्न अभंग, भक्तिगीत गायन स्पर्धेत तीन वेगवेगळ्या गटांमध्ये तेजल गावडे, समृद्धी सावंत आणि नीतिन धामापूरकर यांनी सावंतवाडी केंद्रात पहिल्या फेरीत प्रथम क्रमांक पटकावला.
वालावल (ता. कुडाळ) येथील श्री लक्ष्मीनारायणाच्या आषाढी एकादशी उत्सवाच्या निमित्ताने दादर (मुंबई) येथील श्री शंकरा संस्था आणि श्री लक्ष्मीनारायणाच्या भक्तांनी सिंधुदुर्ग जिल्हास्तरीय स्वरसिंधुरत्न अभंग, भक्तिगीत स्पर्धा आयोजित केली आहे. सिंधुदुर्ग जिल्ह्यातील संगीत कला जोपासली गेली पाहिजे आणि त्याद्वारे गायकांना योग्य ती संधी मिळाली पाहिजे, या उद्देशाने स्पर्धेचे आयोजन करण्यात आले आहे. स्पर्धा शालेय, महाविद्यालयीन आणि खुल्या गटात झाली. कणकवली, कुडाळ आणि सावंतवाडीत पहिल्या फेरीची स्पर्धा पार पडली. सावंतवाडीच्या केंद्राची सावंतवाडी, वेंगुर्ले आणि दोडामार्ग तालुक्यांसाठीची स्पर्धा सावंतवाडीतील श्रीराम वाचन मंदिराच्या सभागृहात झाली. स्पर्धेत एकूण ३५ स्पर्धकांनी भाग घेतला. स्पर्धेतील अनुक्रमे तीन विजेते असे – गट पहिला (१२ वर्षांपर्यंत) - तेजल गावडे, गीता गवंडे, श्रेया केसरकर. गट दुसरा (१८ वर्षांपर्यंत) - समृद्धी सावंत, देवयानी केसरकर, विधिता केंकरे. गट तिसरा (खुला गट) - नीतिन धामापुरकर, सौ. सिद्धी परब, गीतेश कांबळे. पहिल्या ते तिसऱ्या क्रमांकाच्या विजेत्यांना अनुक्रमे एक हजार, ७५० आणि ५०० रुपयांची पारितोषिके देण्यात आली. स्पर्धेचे परीक्षक म्हणून ज्येष्ठ शास्त्रीय गायक बाळ आंबर्डेकर आणि प्रदीप धोंड यांनी काम पाहिले.
...................

स्पर्धेतल्या एका स्पर्धकाचा व्हिडीओ पाहण्यासाठी सोबतची लिंक क्लिक करा -
https://youtu.be/98e6NDVisu0


No comments:

Post a Comment